تحریر: شمائلہ
لاہور: پاکستان کے معروف کرکٹرز بابر اعظم اور شاہین شاہ آفریدی آسٹریلیا پہنچ گئے ہیں، جہاں وہ بیگ بیش لیگ (BBL) کے پندرھویں ایڈیشن میں ایکشن میں نظر آئیں گے۔ لیگ کا آغاز 14 دسمبر سے ہو رہا ہے۔
بابر اور شاہین کی فرنچائزز—سڈنی سکسرز اور برسبین ہیٹ—نے ان کی آمد کا اعلان سوشل میڈیا پر کیا۔ شاہین، جو اس سال کے نمبر ون ڈرافٹ پک تھے، سب سے پہلے آسٹریلیا پہنچے۔ منگل کی صبح برسبین ایئرپورٹ پر ان کا استقبال کیا گیا، اور فرنچائز نے پیغام جاری کیا:
“نمبر ون ڈرافٹ پک پہنچ چکے ہیں۔ برسبین میں خوش آمدید، شاہین شاہ آفریدی۔”
دوسری جانب، سڈنی سکسرز نے شام کے وقت بابر اعظم کی آمد کی ویڈیو جاری کی، جس میں انہیں ڈریسنگ روم میں داخل ہوتے دکھایا گیا اور پیغام دیا گیا: “He’s arrived”۔
واضح رہے کہ بیگ بیش لیگ 15 کا ٹورنامنٹ 14 دسمبر 2025 سے 25 جنوری 2026 تک جاری رہے گا، جس میں کل 44 میچز شامل ہیں جو ابتدائی شام کے وقت شیڈول کیے گئے ہیں۔
تمام ٹیموں کے ٹریننگ کیمپ شروع ہو چکے ہیں، جن میں پاکستانی کھلاڑی محمد رضوان، شاداب خان اور حسن علی بھی مقامی حالات سے ہم آہنگ ہونے کے لیے حصہ لے رہے ہیں۔
بی بی ایل کے لیے اس بار پاکستان کے سات کھلاڑیوں نے معاہدے کیے ہیں:
بابر اعظم – سڈنی سکسرز
شاہین شاہ آفریدی – برسبین ہیٹ
محمد رضوان اور حسن خان – میلبورن رینیگیڈز
حارث رؤف – میلبورن اسٹارز
شاداب خان – سڈنی تھنڈر
حسن علی – ایڈیلیڈ اسٹرائیکرز
BBL 15 کا مکمل شیڈول جاری کر دیا گیا ہے، جس میں فائنلز کا کلاسک چار میچز والا فارمیٹ برقرار رکھا گیا ہے۔ کوالیفائر 20 جنوری کو شروع ہوگا، جبکہ گرینڈ فائنل 25 جنوری 2026 کو کھیلا جائے گا۔
ٹورنامنٹ کے دوران پاکستانی کھلاڑی قومی ذمہ داریوں کے لیے دستیاب رہیں گے، جبکہ پاکستان کرکٹ بورڈ (PCB) کی جانب سے تمام کھلاڑیوں کو این او سی جاری کر دیے گئے ہیں تاکہ وہ مقامی اور بین الاقوامی ذمہ داریاں بیک وقت نبھا سکیں۔
