واشنگٹن ڈی سی: فٹ بال کا عالمی چیمپیئن شپ، فیفا ورلڈ کپ، 1994 کے بعد پہلی بار شمالی امریکہ میں واپسی کے لیے تیار ہے۔ 48 ممالک پر مشتمل، 104 میچوں پر مشتمل اس میگا ایونٹ کے گروپ ڈراز کا اعلان جمعہ کو کر دیا گیا۔
لیونل میسی کی قیادت میں، تین بار کی چیمپیئن ارجنٹائن اپنے ٹائٹل کا دفاع الجزائر کے خلاف کرے گی۔ گروپ J میں، ارجنٹائن کا مقابلہ آسٹریا اور اردن سے بھی ہوگا
میزبان امریکہ گروپ D کا آغاز 12 جون کو کیلیفورنیا کے انگلووڈ میں پیراگوئے کے خلاف کرے گا۔ اس کے بعد 18 جون کو سیٹل میں آسٹریلیا اور 25 جون کو دوبارہ سوفی اسٹیڈیم میں ترکیہ، رومانیہ، سلوواکیہ یا کوسوو میں سے کسی ایک ٹیم کا سامنا کرے گا۔
میکسیکو اپنا افتتاحی میچ 11 جون کو میکسیکو سٹی میں جنوبی افریقہ کے خلاف کھیلے گا، جبکہ گروپ A میں جنوبی کوریا اور پلے آف کی فاتح ٹیم بھی شامل ہیں۔
C برازیل، مراکش، ہیٹی، اسکاٹ لینڈ
H سپین، کیپ وردے، سعودی عرب، یوروگوئے
E جرمنی، کیوراساؤ، آئیوری کوسٹ، ایکواڈور
L انگلینڈ، کروشیا، گھانا، پانامہ
I فرانس، سینیگال، ناروے، بولیویا/عراق/سورینام
K پرتگال، ازبکستان، کولمبیا، کانگو/جمیکا/نیو کیلیڈونیا
اگر ارجنٹائن اور پرتگال دونوں اپنے اپنے گروپ میں فاتح رہتے ہیں، تو فٹ بال کے دو لیجنڈز، لیونل میسی اور کرسٹیانو رونالڈو (جن کا یہ ریکارڈ چھٹا ورلڈ کپ ہونے کی توقع ہے)، 11 جولائی کو کینساس سٹی، میسوری میں کوارٹر فائنل میں مدمقابل ہو سکتے ہیں۔
یہ ٹورنامنٹ امریکہ کے 11, NFL اسٹیڈیمز، میکسیکو کے 3 اور کینیڈا کے 2 مقامات پر کھیلا جائے گا۔
42 ٹیمیں پہلے ہی فائنل ہو چکی ہیں جبکہ باقی 6 جگہوں کے لیے پلے آف مقابلے 31 مارچ کو طے کیے جائیں گے۔
ہر گروپ سے فاتح اور رنر اپ ٹیمیں، نیز بہترین 8 تھرڈ پلیس ٹیمیں، راؤنڈ آف 32 کے لیے کوالیفائی کریں گی۔
فائنل میچ 19 جولائی کو ایسٹ ردر فورڈ، نیو جرسی میں کھیلا جائے گا۔ کوارٹر فائنل سے آگے کے تمام میچز امریکہ میں ہوں گے۔
پہلی بار شرکت کرنے والی ٹیمیں: کیپ وردے، کیوراساؤ، اردن اور ازبکستان۔
تمام گروپ اسٹیج میچوں کے مخصوص مقامات اور کِک آف کے اوقات کا اعلان ہفتہ کو کیا جائے گا۔
