فیفاورلڈ کپ کی تاریخ میں پہلی بارٹاپ فور ٹیمیں سیمی فائنل سے پہلے نہیں ٹکرائیں گی

ویب ڈیسک : فیفا نے اعلان کیا ہے کہ اگلے سال ہونے والے ورلڈ کپ کی تاریخ میں پہلی بار، ٹاپ چار سیڈڈ ممالک ٹورنامنٹ کے سیمی فائنل مرحلے سے پہلے ایک دوسرے کا سامنا نہیں کر سکیں گے۔

فیفا کے مطابق:
اسپین (پہلا سیڈ) اور ارجنٹائن (دوسرا سیڈ) کو “جوڑا” (paired) جائے گا اور قرعہ اندازی کے مخالف حصوں میں گروپوں میں رکھا جائے گا۔

فرانس(تیسرا سیڈ) اور انگلینڈ (چوتھا سیڈ) کو بھی جوڑا جائے گا۔

اس کا مطلب ہے کہ اگر یہ چاروں ممالک اپنے گروپ جیت جاتے ہیں توانگلینڈ سیمی فائنل تک اسپین یا ارجنٹائن کا سامنا نہیں کر سکے گا اور فرانس فائنل تک اسپین یا ارجنٹائن کا سامنا نہیں کر سکے گا۔

فیفا اس بات کو یقینی بنانا چاہتا ہے کہ اعلیٰ درجہ بندی والے ممالک ناک آؤٹ راؤنڈز میں جلدی نہ ملیں، تاکہ ٹورنامنٹ میں بعد میں بڑے اور دلچسپ مقابلے ممکن ہوں۔

5 دسمبرکو ہونے والی فائنل قرعہ اندازی کے لیے چاروں پوٹس کی بھی تصدیق کر دی گئی ہے۔اسکاٹ لینڈ پوٹ تھری میں شامل ہے۔

چھ پلے آف فاتحین جن میں ویلز، شمالی آئرلینڈ یا جمہوریہ آئرلینڈ شامل ہو سکتے ہیں سبھی پوٹ فور میں ہوں گے۔

پہلی بار شرکت کرنے والا ازبکستان پوٹ تھری میں ہے، جبکہ دیگر نئے شامل ہونے والے ممالک اردن، کیپ وردے اور کیوراساؤ پوٹ فور میں ہیں۔