نیویارک | عاطف خان
نیویارک: پورٹ اتھارٹی آف نیویارک اینڈ نیو جرسی کے مطابق، تھینکس گیونگ کی تعطیلات کے دوران آٹھ ملین سے زیادہ افراد کے نیویارک شہر کے ہوائی اڈوں اور کراسنگز پر آنے کی توقع ہے۔اتنی بڑی تعداد اس بات کی عکاسی کرتی ہے کہ امریکی اپنے اہل خانہ سے ملنے اور تعطیلات منانے کے لیے بڑے پیمانے پر سفر کر رہے ہیں۔
تھینکس گیونگ کے سفر کا یہ مصروف دورانیہ پیر سے شروع ہو کر 1 دسمبر تک جاری رہے گا۔
پورٹ اتھارٹی نے تھینکس گیونگ کی تعطیلات کے دوران ہوائی اڈوں پر متوقع بھاری رش کے پیش نظر تمام مسافروں کے لیے اہم ہدایات جاری کی ہیں۔
پورٹ اتھارٹی کی جانب سے جاری کردہ پریس ریلیز میں تمام ڈومیسٹک (اندرون ملک) مسافروں کو پرواز سے کم از کم دو گھنٹے جبکہ بین الاقوامی مسافروں کو اپنی پرواز سے کم از کم تین گھنٹے پہلے ایئرپورٹ ایئرپورٹ پہنچنے کی ہدایت کی گئی ہے۔افروں کو مشورہ دیا جاتا ہے کہ وہ اپنے سفر کی تیاری سے متعلق معلومات کے لیے پورٹ اتھارٹی کی “ایئر ٹریول ٹپس” کو ضرور چیک کریں ۔
مسافروں کو مشورہ دیا جاتا ہے کہ وہ اپنے سفر کی تیاری سے متعلق معلومات کے لیے پورٹ اتھارٹی کی “ایئر ٹریول ٹپس” کو ضرور چیک کریں، جن میں یہ تفصیلات شامل ہیں جن میںTSA سیکیورٹی لائنوں کا ریئل ٹائم انتظار کا وقت، پارکنگ لاٹ کی دستیابی ، ایئر ٹرین کے نقشے اور نظام الاوقات ، عوامی ٹرانزٹ کے راستے،کرائے کی گاڑیوں کی تفصیلات۔
PATH ٹرین کے مسافروں کے لیے تھینکس گیونگ کے خصوصی اوقات
پورٹ اتھارٹی آف نیویارک اینڈ نیو جرسی نے تھینکس گیونگ کی تعطیلات کے دوران PATH ٹرینوں کے لیے تبدیل شدہ نظام الاوقات کا اعلان کیا ہے۔
ٹرینیں تبدیل شدہ ہفتہ وار شیڈول (Modified Saturday Schedule) کے مطابق چلیں گی۔
جمعہ (Friday): ٹرینیں تبدیل شدہ ہفتہ وار شیڈول (Modified Weekday Schedule) کے مطابق چلیں گی۔
بدھ کی شام سے پیر کی صبح تک: نائنتھ سٹریٹ (Ninth Street) اور تیئیسویں سٹریٹ (23rd Street) کے اسٹیشن کھلے رہیں گے۔
مزید معلومات کے لیے پی اے ٹی ایچ کے شیڈول سے متعلق معلومات حاصل کی جا سکتی ہیں۔
