بین البراعظمی پلےآف ٹورنامنٹ کی میزبانی میکسیکوکےشہرکریں گے، فیفاکااعلان

ویب ڈیسک : فیفا ورلڈ کپ 2026: بین البراعظمی پلے آف ٹورنامنٹ کی میزبانی میکسیکو کے شہر کریں گے۔

فیفا نے بدھ کے روز اعلان کیا ہے کہ 2026 کے ورلڈ کپ کے لیے ہونے والے بین البراعظمی پلے آف ٹورنامنٹ کی میزبانی میکسیکو کے شہر گواڈالاجارا اور مونٹیری کریں گے۔

یہ ٹورنامنٹ 23 مارچ کو شروع ہو گا اور اس میں پانچ مختلف براعظموں کی چھ ٹیمیں حصہ لیں گی۔یہ چھ ٹیمیں اگلے سال میکسیکو، امریکہ اور کینیڈا کی مشترکہ میزبانی میں ہونے والے ورلڈ کپ میں شامل ہونے کے لیے آخری دو جگہوں کے لیے مقابلہ کریں گی۔

فیفا کے صدر گیانی انفانٹینو نے کہا، “یہ شاندار اسٹیڈیمز ایک سنسنی خیز ایونٹ کے لیے بہترین اسٹیج ہیں جو جوش، ڈرامہ اور ولولہ انگیزی سے بھرپور ہونے کا وعدہ کرتا ہے۔”