نیویارک : عاطف خان
نیویارک: میئر الیکٹ زوہران ممدانی نے عہدہ سنبھالتے ہی کرایہ منجمد کرنے کو پہلی ترجیح قرار دے دیا
میئر الیکٹ زوہران ممدانی نے 1 جنوری کو عہدہ سنبھالنے کے فوراً بعد اپنے “پہلے سرکاری حکم” کا انکشاف کر دیا ہے۔
نیویارک سٹی کے جلد میئر بننے والے 34 سالہ ممدانی نے واضح کیا کہ سٹی ہال میں قدم رکھتے ہی ان کا سب سے پہلا وژن کیا ہوگا؟
ممدانی نے کہا: “پہلا حکم، صاف الفاظ میں، رینٹ گائیڈ لائنز بورڈ (Rent Guidelines Board) کے ذریعے 20 لاکھ سے زیادہ کرایہ مستحکم (Rent-Stabilized) کرایہ داروں کا کرایہ منجمد (Freeze) کرنا ہوگا۔
انتخابی منشور اور اہم ادارےڈیموکریٹک سوشلسٹ (Democratic Socialist) ممدانی نے اپنی کامیاب انتخابی مہم تین بڑے خیالات پر چلائی تھی: کرایہ منجمد کرنا، “تیز اور مفت” بسیں، اور یونیورسل چائلڈ کیئر۔ممدانی کی نظریں اب رینٹ گائیڈ لائنز بورڈ (RGB) پر ہیں، جو کرایہ کی شرحیں مقرر کرتا ہے۔
بورڈ کی تشکیل اور نئے تقرراتRGB نو ارکان پر مشتمل ہوتا ہے جنہیں میئر مقرر کرتا ہے (کرایہ دار، مالک مکان، اور عوامی نمائندے شامل ہوتے ہیں)۔ممدانی کو اپنے پہلے دور میں بورڈ کے دو ارکان کی میعاد ختم ہونے پر نئے ارکان مقرر کرنے کا اختیار ہوگا۔ میئر کے پاس چیئرمین کو کسی بھی وقت تبدیل کرنے کا اختیار بھی ہوتا ہے۔
