نیویارک (ویب ڈیسک): امریکی ریاست نیویارک کی معروف نان پرافٹ تنظیم نیویارک روڈ رنرز (NYRR) نے 1 نومبر 2026 کو منعقد ہونے والی عالمی شہرت یافتہ TCS نیویارک سٹی میراتھن کی تیاریاں عروج پر پہنچا دی ہیں۔
اس سلسلے میں بروکلین، دی برونکس، کوئینز اور اسٹیٹن آئی لینڈ میں بچوں کے لیے خصوصی “TCS NYC Marathon Kids Kickoff” ریسز کا باضابطہ انعقاد کیا گیا۔
نیویارک سٹی میراتھن کے تاریخی 5-بوروز (Five-Borough) روٹ کی 50ویں سالگرہ کے موقع پر تاریخ میں پہلی بار NYRR نے اس انمول یوتھ ایونٹ کو دو دنوں پر محیط تمام پانچوں بوروز تک توسیع دی ہے۔
روکلین برج پارک پیئر 6، سینٹ میریز پارک (برونکس)، ایسٹوریا پارک (کوئینز) اور اوشین بریز پارک (اسٹیٹن آئی لینڈ) میں منعقدہ ڈیشز اور فیملی ریسز میں تقریباً 2,000 بچوں نے حصہ لیا۔
تقریبات کے دوسرے مرحلے میں نیویارک کے سنٹرل پارک (Central Park) میں 3,000 بچوں کی شرکت متوقع ہے، جس سے کل نوجوان ایتھلیٹس کی تعداد 5,000 تک پہنچ جائے گی۔
NYRR کا یہ پریمیئر یوتھ ایونٹ 2 سال سے 18 سال تک کی عمر کے تمام بچوں اور خصوصی صلاحیتوں کے حامل (All Abilities) نوجوانوں کے لیے مفت منعقد کیا گیا ہے۔
بچوں کی ان ریسز کے ٹھیک ایک ہفتے بعد 1 نومبر کو عالمی ‘TCS New York City Marathon’ میں دنیا بھر سے 60,000 سے زائد ایتھلیٹس حصہ لیں گے، جسے آرگنائزرز نے “دنیا کے بہترین شہر کا بہترین دن” قرار دیا ہے۔