ماسکو: روس میں منعقدہ پارلیمانی انتخابات کے ابتدائی نتائج کے مطابق صدر ولادیمیر پیوٹن کی حمایت یافتہ سیاسی جماعت ‘یونائیٹڈ رشیا’ (United Russia) نے 450 رکنی ایوانِ زیریں (اسٹیٹ ڈوما) میں واضح اور بھاری اکثریت سے برتری حاصل کر لی ہے۔
غیر ملکی خبر رساں ادارے رائٹرز کے مطابق 95 فیصد سے زائد ووٹوں کی گنتی کے بعد یونائیٹڈ رشیا کو تقریباً 57.83 فیصد ووٹ حاصل ہوئے ہیں، جس کی بنیاد پر پارٹی کے پارلیمان میں 355 کے قریب نشستیں حاصل کرنے کا قومی امکان پیدا ہو گیا ہے۔ یہ انتخابات 2022 میں یوکرین پر روس کے حملے کے بعد سے اب تک ملک میں ہونے والے پہلے بڑے پارلیمانی انتخابات ہیں۔
پارٹیوں کی پوزیشن: ابتدائی نتائج کے مطابق ‘کمیونسٹ پارٹی’ 13.8 فیصد ووٹوں کے ساتھ دوسرے نمبر پر موجود ہے، جبکہ ‘لبرل ڈیموکریٹک پارٹی’، ‘نیو پیپل’ اور ‘اے جسٹ رشیا’ بھی ایوان میں نشستیں حاصل کرنے میں کامیاب رہی ہیں۔
روس کے مرکزی انتخابی کمیشن کا کہنا ہے کہ ملک بھر میں ووٹر ٹرن آؤٹ تقریباً 57 فیصد رہا۔ 450 رکنی ڈوما میں سے نصف ارکان کا انتخاب پارٹی فہرستوں اور نصف کا سنگل سیٹ حلقوں سے ہوتا ہے۔
ولنگ اور ووٹنگ کے دوران یوکرین کی جانب سے روسی سرحدی اور اندرونی علاقوں پر متعدد ڈرون حملے بھی دیکھے گئے۔ روسی حکام کے مطابق ماسکو کے نواح میں ان حملوں سے ہلاکتیں اور ایک آئل ریفائنری کو نقصان پہنچا۔
یوکرینی انتظامیہ نے اپنے زیرِ قبضہ علاقوں میں کرائی جانے والی تمام ووٹنگ کی قانونی حیثیت کو مسترد کرتے ہوئے اسے غیر قانونی قرار دیا ہے، جبکہ ماسکو نے اسے اپنے ملکی و آئینی عمل کا حصہ قرار دیا ہے۔
انتخابی کمیشن کا کہنا ہے کہ تمام ووٹوں کی حتمی گنتی اور قانونی امور کے بعد باقاعدہ حتمی نتائج کا اعلان کیا جائے گا۔