نیویارک: نیویارک سٹی میں فٹبال ورلڈکپ فائنل کےحوالےسےمنعقد ہونے والی متعدد بڑی تقریبات اور اسکریننگز کے پیشِ نظر حکام نے سیکیورٹی کے انتظامات انتہائی سخت کر دیے ہیں。
نیویارک پولیس ڈیپارٹمنٹ (NYPD) کے حکام نے صورتحال پر تفصیلی بیان جاری کرتے ہوئے کہا ہے کہ اگرچہ اس وقت نیویارک سٹی میں ورلڈ کپ کی تقریبات کو کسی قسم کا کوئی مخصوص یا قابلِ اعتماد خطرہ (Credible Threat) لاحق نہیں ہے، تاہم انتہائی احتیاط برتتے ہوئے شہر بھر میں پولیس کی موجودگی اور گشت کو نمایاں طور پر بڑھا دیا گیا ہے۔
پولیس حکام کا مزید کہنا تھا کہ سیکیورٹی کو فول پروف بنانے کے لیے ہر ممکن اقدامات کیے جا رہے ہیں۔ شائقین اور شہریوں کے تحفظ کے لیے ایسے بہت سے حفاظتی اثاثے اور اہلکار تعینات کیے گئے ہیں جو سڑکوں پر واضح طور پر نظر آئیں گے، جبکہ بہت سے ایسے خفیہ انتظامات اور سیکیورٹی فورسز بھی تعینات کی گئی ہیں جو پسِ پردہ رہ کر نگرانی کا فریضہ انجام دیں گی۔
انتظامیہ نے شہریوں کو یقین دلایا ہے کہ یہ اقدامات صرف شائقین کے جوش و خروش کو محفوظ ماحول فراہم کرنے کے لیے کیے جا رہے ہیں تاکہ کسی بھی ناخوشگوار واقعے سے بچا جا سکے۔