واشنگٹن(ویب ڈیسک): خلائی تحقیق کے عالمی ادارے ناسا (NASA) نے انسانوں کو دوبارہ چاند پر بھیجنے کے اپنے طویل مدتی ہدف کی جانب ایک بڑا قدم اٹھا لیا ہے۔ چار رکنی عملے پر مشتمل Artemis II مشن بدھ، یکم اپریل کو خلا میں روانہ ہونے کے لیے تیار ہے، جو 50 سال سے زائد عرصے قبل اپولو (Apollo) مشن کے بعد چاند کے گرد پہلا انسانی سفر ہوگا۔
اس تاریخی مشن میں ناسا کا جدید ترین Space Launch System (SLS) راکٹ اور Orion خلائی جہاز استعمال کیا جائے گا، جو مستقبل میں چاند کی سطح پر مہم جوئی کی راہ ہموار کرے گا۔
ناسا کی جانب سے لانچنگ کے لیے بدھ، یکم اپریل کی شام 6:24 بجے کا وقت مقرر کیا گیا ہے۔
ٹینکنگ آپریشنز: صبح 7:45 بجے (ET) سے راکٹ میں ایندھن بھرنے کے عمل کی براہِ راست کمنٹری شروع ہو جائے گی۔
مکمل کوریج: لانچنگ کی باقاعدہ اور مکمل نشریات کا آغاز دوپہر 12:50 بجے (ET) سے ہوگا۔
شائقین اس تاریخی لمحے کو ناسا کی آفیشل ویب سائٹ اور NASA+ ایپ،
ناسا کا یوٹیوب چینل اور سوشل میڈیا ہینڈلز پر دیکھ سکتے ہیں
امریکی خلائی فورس کے موسمی ماہرین اور ناسا کی ٹیمیں لانچنگ پیڈ کی صورتحال اور موسم کی کڑی نگرانی کر رہی ہیں تاکہ مشن کی محفوظ روانگی کو یقینی بنایا جا سکے۔