نیویارک: امریکی محکمہ ڈاک (USPS) نے آٹوموٹو ٹیکنیشنز کی خالی اسامیوں کو پُر کرنے کے لیے بھرتیوں کا عمل شروع کر دیا ہے۔ اس حوالے سے امیدواروں کو ملازمت کی تفصیلات فراہم کرنے اور درخواست کے عمل میں مدد کے لیے بدھ کے روز ایک خصوصی ‘کیریئر فیئر’ (Career Fair) منعقد کیا جائے گا۔
ایونٹ بدھ صبح 10 بجے سے دوپہر 2 بجے تک FDR اسٹیشن، 909 تھرڈ ایونیو، نیویارک میں منعقد کیاجائےگا۔
پوسٹل سروس کے مطابق، منتخب امیدواروں کی ذمہ داریوں میں گاڑیوں کی مرمت کے پیچیدہ کاموں میں مکینکس کی رہنمائی کرنا، گاڑیوں کا معائنہ اور ان کی مرمت کا شیڈول تیار کرنا، اور جدید کمپیوٹرائزڈ آلات کے ذریعے انجن اور دیگر اہم حصوں کی خرابیوں کی تشخیص (Diagnostics) کرنا شامل ہے۔