نیویارک: نیویارک شہر کے علاقے برونکس (The Bronx) میں جمعہ کی دوپہر ایک دل دہلا دینے والی ڈکیتی کی کوشش کے دوران آف ڈیوٹی این وائی پی ڈی (NYPD) ڈیٹیکٹو پر نامعلوم ملزمان نے چھریوں سے حملہ کر کے شدید زخمی کر دیا۔
پولیس کے مطابق یہ واقعہ دوپہر تقریباً 1:48 بجے ایسٹ 208 ویں اسٹریٹ اور روچمبیو ایونیو (East 208th Street and Rochambeau Avenue) کے قریب پیش آیا۔ زخمی افسر کو فوری طور پر قریب واقع مقامی ہسپتال منتقل کیا گیا، جہاں ان کی حالت مستحکم بتائی جا رہی ہے۔
نیویارک کے میئر زہران ممدانی نے واقعے کی تصدیق کرتے ہوئے بتایا کہ حملہ روبرائی (ڈکیتی) کی کوشش کے دوران پیش آیا اور این وائی پی ڈی متعدد مشتبہ ملزمان کی تلاش کر رہی ہے۔
پولیس اور یونین رپورٹس کے مطابق حملہ آور افسر پر حملہ کرنے کے بعد ای-بائیک (E-bike) پر سوار ہو کر موقع سے فرار ہونے میں کامیاب ہو گئے۔
یونین نے ایک سخت بیان جاری کرتے ہوئے کہا: “جب ہمارا بھائی ڈیٹیکٹو ہسپتال میں صحت یاب ہو رہا ہے، ڈی ای اے پوری طاقت کے ساتھ ان کے ساتھ کھڑی ہے۔ مجرم یہ سوچ سکتے ہیں کہ وہ فرار ہو گئے ہیں، لیکن وہ این وائی پی ڈی ڈیٹیکٹوز کی مکمل طاقت کا اندازہ نہیں لگا سکتے۔ ان کے لیے چھپنے کی کوئی جگہ نہیں ہے۔ ہماری یونین اس وقت تک نہیں رکے گی جب تک ذمہ داروں کو انجام تک نہ پہنچا دیا جائے