نیویارک: نیویارک سٹی (New York City) کا بے حد مقبول اور پسندیدہ سالانہ ایونٹ ’سمر اسٹریٹس‘ (Summer Streets) رواں ماہ واپس آ رہا ہے، جس کے تحت شہر کے پانچوں بوروز (Boroughs) میں 20 میل سے زائد طویل شاہراہوں کو گاڑیوں کے لیے بند کر کے پیدل چلنے والوں اور سائیکل سواروں کے لیے کھول دیا جائے گا۔
رواں سال سمر اسٹریٹس کا انعقاد 25 جولائی سے 22 اگست تک ہر ہفتے کے روز (Saturdays) کیا جائے گا۔ مقامی شہریوں کی رائے اور فیڈ بیک کو مدنظر رکھتے ہوئے، اس سال مین ہٹن کے علاوہ دیگر بوروز (Outer Boroughs) میں ایونٹ کے اوقات میں کچھ تبدیلیاں کی گئی ہیں۔
پانچوں بوروز کا مکمل شیڈول :
25 جولائی: کوئینز اور اسٹیٹن آئی لینڈ (صبح 9 بجے سے شام 5 بجے تک)
کوئینز (Queens): یہ ایونٹ ورنن بونیوارڈ (Vernon Boulevard) پر 30 ویں ڈرائیو سے 44 ویں ڈرائیو تک ہوگا۔
اسٹیٹن آئی لینڈ (Staten Island): رچمنڈ ٹیرس سے ہارویسٹ ایونیو تک براڈوے پر ایونٹ منعقد ہوگا۔
1، 8 اور 15 اگست: مین ہٹن (صبح 7 بجے سے دوپہر 3 بجے تک)
مین ہٹن (Manhattan): سمر اسٹریٹس کا روٹ بروکولن برج (Brooklyn Bridge) سے شروع ہو کر انووڈ میں براڈوے اور ڈائیک مین اسٹریٹ تک پھیلا ہوا ہوگا۔
22 اگست: برونکس اور بروکولن (صبح 9 بجے سے شام 5 بجے تک)
بروکولن (Brooklyn): یہ روٹ ایسٹرن پارک وے پر گرینڈ آرمی پلازہ سے بفیلو ایونیو تک ہوگا۔
برونکس (The Bronx): گرینڈ کانکورس پر ایسٹ ٹریمونٹ ایونیو سے موشولو پارک وے تک سڑکیں پیدل چلنے والوں کے لیے کھلی ہوں گی۔
ایونٹ کے پہلے ہی دن، یعنی 25 جولائی کو نیویارکرز کے لیے Citi Bike کی جانب سے ایک زبردست آفر دی جا رہی ہے۔ شہری Lyft یا Citi Bike ایپ میں پرومو کوڈ SUMMER2WHEEL استعمال کر کے اپنی رائیڈ پر 10 ڈالر تک کی بچت کر سکتے ہیں۔
یہ کوڈ فی صارف دو رائیڈز تک محدود ہے، جس کا مطلب ہے کہ مسافر مجموعی طور پر 20 ڈالر تک کی رعایت حاصل کر سکتے ہیں۔
ایونٹ کی اگلی تواریخ کے لیے مزید پرومو کوڈز کا اعلان بعد میں Lyft کے ذریعے کیا جائے گا۔
موسمِ گرما کی ان چھٹیوں میں گاڑیوں کے شور اور ٹریفک سے پاک سڑکوں پر واک، سائیکلنگ اور دیگر تفریحی سرگرمیوں کا لطف اٹھانے کے لیے نیویارک کے شہری اس بہترین موقع سے فائدہ اٹھا سکتے ہیں۔