اینگلووڈ کلفس، نیو جرسی(ویب ڈیسک): ‘ایفورڈ ایبل ہومز نیو جرسی’ نے اینگلووڈ کلفس میں واقع نئے رہائشی منصوبے “دی سلوان” (The Sylvan) کے لیے ویٹنگ لسٹ کھول دی ہے۔ اس منصوبے کے تحت 90 اپارٹمنٹس انتہائی کم، کم، اور متوسط آمدنی والے گھرانوں کے لیے مختص کیے گئے ہیں۔
جہاں اس عمارت میں مارکیٹ ریٹ پر اسٹوڈیو اپارٹمنٹس کا کرایہ $1,950 اور دو بیڈ روم والے یونٹس کا کرایہ $5,700 تک ہے، وہیں سستی ہاؤسنگ اسکیم کے تحت کرایوں کی حد درج ذیل ہے:
اسٹوڈیو: $447 سے $1,105 تک
ایک بیڈ روم: $472 سے $1,373 تک
دو بیڈ روم: $552 سے $1,634 تک
تین بیڈ روم: $624 سے $1,874 تک
یہ اپارٹمنٹس جدید سہولیات جیسے فٹنس سینٹر، پول، گیم روم اور ورکنگ اسپیس سے لیس ہیں۔ درخواست گزاروں کے لیے برگن، ہڈسن، پاسائیک یا سسیکس کاؤنٹی میں رہائش یا ملازمت رکھنے والوں کو ترجیح دی جائے گی۔ اس کے علاوہ سابق فوجیوں (Veterans) کو بھی انتخاب کے عمل میں فوقیت ملے گی۔
خواہشمند افراد 2 جون تک اپنی ابتدائی درخواستیں جمع کروا سکتے ہیں۔ کرایہ داروں کا انتخاب ویٹنگ لسٹ سے قرعہ اندازی (Random Selection) کے ذریعے کیا جائے گا۔
