اوکلینڈ / ایسٹ بے (ویب ڈیسک): امریکی ریاست کلیفورنیا کے 14ویں کانگریسی حلقے سے ایوانِ نمائندگان کی نشست پر ہونے والے ضمنی انتخاب کی ابتدائی گنتی میں ڈیموکریٹک ریاست سینیٹر آئشہ وہاب (Aisha Wahab) کو اپنی حریف اور بارٹ (BART) بورڈ آف ڈائریکٹرز کی صدر ملیسا ہرنینڈز (Melissa Hernandez) پر معمولی برتری حاصل ہے۔
یہ انتخاب سابق ایوانِ نمائندگان کے رکن ایرک سویل ویل کی جانب سے استعفیٰ دیے جانے کے بعد خالی ہونے والی نشست کو پر کرنے کے لیے منعقد کیا گیا ہے۔
اس ضمنی انتخاب نے فری مونٹ، ہائیورڈ اور ٹرائی ویلی کے علاقوں میں سیاسی سرگرمیوں کو گرم کر دیا ہے۔ اس مقابلے میں خارجہ پالیسی بالخصوص اسرائیل اور غصہ پر ڈیموکریٹک پارٹی کے اندرونی اختلافات بھی کھلم کھلا سامنے آئے ہیں۔
ابتدائی نتائج میں آئشہ وہاب کو معمولی برتری حاصل رہی۔ اس مقابلے میں پیش رفت جاننے اور حتمی نتائج دیکھنے کے لیے ووٹرز کاؤنٹی کے انتخابی اداروں سے رجوع کر رہے ہیں۔
آئشہ وہاب کو کلیفورنیا ڈیموکریٹک پارٹی اور پروگریسو گروپس کی حمایت حاصل ہے، جبکہ ملیسا ہرنینڈز کو معتدل ڈیموکریٹس اور متعدد کانگریس اراکین کی حمایت حاصل رہی ہے۔
جون کے پرائمری مرحلے میں آئشہ وہاب نے نمایاں برتری حاصل کی تھی، تاہم بعد میں اسرائیل حامی گروپوں اور سپر پیک (Super PACs) کے لاکھوں ڈالر کی مہم جوئی کی وجہ سے مقابلہ انتہائی سخت ہو گیا۔
اس ضمنی انتخاب کا فاتح صرف موجودہ سیشن کے باقی ماندہ چند ماہ کے لیے اس نشست کی نمائندگی کرے گا، جبکہ دونوں امیدوار نومبر میں ہونے والے عام انتخابات میں ایک بار پھر دو سال کی مکمل مدت کے لیے ایک دوسرے کے سامنے ہوں گی۔