نیویارک شہر کے سب سے بڑے اور پررونق ثقافتی جشن 59ویں سالانہ ‘J’Ouvert’ اور ‘ویسٹ انڈین امریکن ڈے کارنیول’ کے لیے بروکلم کا ایسٹرن پارک وے مکمل طور پر تیار ہے۔ پیر کے روز منعقد ہونے والی اس پریڈ میں ہزاروں فنکار، خوبصورت فلوٹس، روایتی ڈریسز اور موسیقی کے بینڈز حصہ لے رہے ہیں۔
یہ روایتی سحر انگیز جشن پیر کی صبح 6:00 بجے سے 11:00 بجے تک جاری رہے گا۔ اس کا آغاز گرینڈ آرمی پلازہ (ایسٹرن پارک وے) سے ہوگا جو ایمپائر بلیوارڈ اور نوسٹرینڈ ایونیو سے ہوتا ہوا مڈ ووڈ اسٹریٹ پر اختتام پذیر ہوگا۔
مرکزی ‘ویسٹ انڈین ڈے پریڈ’ صبح 11:00 بجے شروع ہوگی اور شام 6:00 بجے تک جاری رہے گی۔ یہ پریڈ ایسٹرن پارک وے پر رالف ایونیو اور پلازہ اسٹریٹ ویسٹ کے درمیان نکالی جائے گی۔
تقریب میں شرکت کے لیے کسی ٹکٹ کی ضرورت نہیں ہے، تاہم نیویارک پولیس (NYPD) سیکیورٹی کے سخت اقدامات کر رہی ہے:
تلاشی کے لیے 13 مخصوص سیکیورٹی انٹری پوائنٹس پیر کی رات 2:00 بجے کھول دیے جائیں گے۔ ڈرون، اسلحہ، الکحل، کولرز، بڑے بیگز، بیک پیک، چھتریاں، کمبل اور بڑی کرسیاں لانے پر مکمل پابندی ہوگی۔
پریڈ کے روٹ پر تمام مرکزی شاہراہیں اتوار کی رات 11:30 بجے سے پیر کی شام تک عام ٹریفک کے لیے بند رہیں گی۔ جن میں فلیٹ بش ایونیو، ایمپائر بلیوارڈ، نوسٹرینڈ ایونیو، بیڈفورڈ ایونیو، راک وے پارک وے اور ایسٹرن پارک وے کی مین و سروس روڈز شامل ہیں۔