سیاحوں اورشہریوں کےلیےخوشخبری،’این وائی سی ونٹرآؤٹنگ’کاآغاز

نیویارک سٹی (ویب ڈیسک): چھٹیوں کا سیزن بھلے ہی ختم ہو چکا ہو، لیکن نیویارک شہر میں موسمِ سرما کی رونقیں ابھی باقی ہیں۔ شہر کے پانچوں اضلاع میں سالانہ ‘این وائی سی ونٹر آؤٹنگ’ پروگرام کے تحت 850 سے زائد ریستوران، تفریحی مقامات اور براڈوے شوز پر خصوصی رعایتوں کا اعلان کر دیا گیا ہے۔

یہ پروگرام 20 جنوری سے 12 فروری تک جاری رہے گا۔ اس کے لیے ٹکٹوں کی فروخت اور بکنگ کا آغاز بدھ سے ہو جائے گا۔

ریسٹورنٹ ویک (Restaurant Week): شہر کے تقریباً 600 ریستورانوں میں 30، 45 اور 60 ڈالر کے فکس مینیو (Prix-fixe) دستیاب ہوں گے۔

براڈوے اور مسٹ سی ویک (Broadway & Must-See Week): براڈوے شوز، عجائب گھروں، سیاحتی مقامات اور فنونِ لطیفہ کے پروگراموں کے لیے ‘ایک ٹکٹ کے ساتھ ایک مفت’ (2-for-1) کی آفر دی جائے گی۔

نیویارک سٹی ٹورازم اینڈ کنونشنز کی صدر اور سی ای او جولی کوکر نے اس حوالے سے کہا:”یہ سیاحوں کے لیے نیویارک کی متنوع ثقافت، بہترین کھانوں اور ہوٹلوں سے لطف اندوز ہونے کا بہترین وقت ہے، جہاں وہ شہر کے ہر محلے کی منفرد شناخت کا تجربہ کر سکتے ہیں۔”

براڈوے ویک میں شامل نمایاں شوز
اس سال براڈوے کے مشہور ترین شوز اس پروگرام کا حصہ ہیں، جن میں

ہیملٹن (Hamilton)
دی لائن کنگ (The Lion King)
الہ دین (Aladdin)
وِکڈ (Wicked)
شکاگو (Chicago)
دی گریٹ گیٹسبی (The Great Gatsby)
اسٹرینجر تھنگز (Stranger Things: The First Shadow)
ایم جے (MJ)
ہیلز کچن (Hell’s Kitchen)
ہیڈز ٹاؤن (Hadestown)
مولن روج! (Moulin Rouge! The Musical) شامل ہیں۔

شہری اور سیاح حصہ لینے والے ریستورانوں کی فہرست دیکھنے، تقریبات کی تفصیلات جاننے اور براڈوے ٹکٹ خریدنے کے لیے سرکاری ویب سائٹ ملاحظہ کر سکتے ہیں۔