نیو یارک: جمعہ کی صبح نیو یارک شہر میں تیز طوفانی بارش اور 60 میل فی گھنٹہ کی رفتار تک کے تیز ہواؤں نے تباہی مچا دی۔
موسم کی شدت کے باعث درخت جڑ سے اکھڑ گئے اور کئی سڑکیں زیرِ آب آ گئیں، جسے مقامی رہائشیوں نے ویڈیو میں قید کیا۔ نیو یارک کی رہائشی ڈینیز ولیمز نے مینہٹن کے ماربل ہل علاقے میں پانی کے کار ٹائروں تک پہنچنے کی ویڈیو بنائی۔
دوسری جانب، اپر ایسٹ سائیڈ کے رہائشیوں نے سٹیزن ایپ پر ایک اکھڑا ہوا درخت دکھایا، جس نے کار کی کھڑکیاں توڑ دیں اور سڑک بلاک کر دی۔
نیویارک اور نیو جرسی کے بعض علاقوں میں جمعہ کو ونڈ ایڈوائزری جاری رہی، جبکہ نیشنل ویڈر سروس نے صبح کے طوفان کے بعد ساحلی سیلاب کی وارننگ ختم کر دی۔
تیز ہواؤں اور بارش کی وجہ سے آمد و رفت متاثر ہوئی، پروازیں تاخیر کا شکار ہوئیں، اور تقریباً 1,000 کان ایڈیسن صارفین کے لیے بجلی بھی بند رہی۔
نیشنل ویدر سروس کے ماہرین کے مطابق، ویک اینڈ کے دوران موسم خشک رہنے کا امکان ہے اور سرد ہوا کی ایک لہر کے باعث درجہ حرارت میں کمی آئے گی۔
