لاہور: پاکستان کے نوجوان تعلیمی رہنما محمد شاہ زیب اعوان کو 29 سال کی کم عمری میں گنیز ورلڈ ریکارڈز نے باضابطہ طور پر دنیا کے کم عمر ترین یونیورسٹی چانسلر (مرد) کے طور پر تسلیم کر لیا ہے۔
شاہ زیب اعوان اس وقت وفاقی چارٹرڈ یونیورسٹی، نیشنل انسٹی ٹیوٹ آف ٹیکنالوجی (NIT) کی قیادت کر رہے ہیں، جسے 2025 میں قائم کیا گیا ہے۔ یہ اعزاز پاکستان کی ابھرتی ہوئی نئی نسل کی قیادت اور جدت کی صلاحیتوں کا ایک واضح ثبوت ہے۔
نیشنل انسٹی ٹیوٹ آف ٹیکنالوجی (NIT) نے امریکہ کی ایک معروف یونیورسٹی ایریزونا اسٹیٹ یونیورسٹی (ASU) کے ساتھ شراکت داری کی ہے۔
اس تعاون کے ذریعےامریکی تعلیمی معیارات کو مقامی ثقافت اور صنعت کی ضروریات کے ساتھ یکجا کر کے طلباء کو عالمی معیار کی تعلیم فراہم کر رہا ہے۔
عملی تعلیم (Hands-on learning)، پیشہ ورانہ ترقی، اور طلباء کو عالمی منڈیوں میں کامیاب ہونے کے لیے تیار کرنے پر زور دے رہا ہے۔
ملک میں تعلیم اور روزگار کے درمیان موجود خلاء کو پر کرنے کے لیے کوشاں ہے۔
شاہ زیب اعوان کا یہ ریکارڈ ان کی ان تھک محنت اور تعلیمی اصلاحات کے عزم کا عکاس ہے۔
