نیویارک : نیویارک سٹی کے میئر زوہران ممدانی نے ویسٹ ورجینیا نیشنل گارڈ کی رکن سپیشلسٹ سارہ بیکسٹروم کی موت پر “تباہ کن صدمے” کا اظہار کیا ہے۔
انہوں نے ایکس (سابقہ ٹویٹر) پر ایک پوسٹ میں کہا کہ وہ “صرف بیس سال کی تھیں”۔
میئر ممدانی نے اپنے پیروکاروں سے درخواست کی کہ ملک بھر میں جہاں خاندان ‘تھینکس گِونگ’ (یومِ تشکر) منا رہے ہیں، وہ ایک لمحے کے لیے ان لوگوں کو یاد کریں جو “ناقابل تصور غم میں ڈوب چکے ہیں”۔
انہوں نے لکھا:
“مجھے ویسٹ ورجینیا نیشنل گارڈ کی رکن سپیشلسٹ سارہ بیکسٹروم کی وفات کا سن کر بہت دکھ ہوا ہے۔ وہ صرف بیس سال کی تھیں۔”
“جب آج ملک بھر کے خاندان ‘تھینکس گِونگ’ منانے کے لیے اکٹھے ہو رہے ہیں، آئیے ہم ایک لمحے کے لیے ویسٹ ورجینیا کے ان لوگوں کو یاد کریں جو ناقابل تصور غم میں ڈوب چکے ہیں۔”
سارہ بیکسٹروم ان دو نیشنل گارڈ اراکین میں سے ایک تھیں جنہیں حال ہی میں واشنگٹن ڈی سی میں گولی ماری گئی تھی، اور وہ بعد ازاں اپنے زخموں کی تاب نہ لاتے ہوئے چل بسیں۔
