ایک بدلتی ہوئی دنیا میں، ایک چیز مستقل ہے: ہمیں ہمیشہ بیت الخلا کی ضرورت رہے گی۔ چاہے مستقبل میں کچھ بھی ہو، ہم بیماریوں سے بچنے اور اپنے ماحول کو صاف رکھنے کے لیے ہمیشہ صفائی ستھرائی کے نظام (sanitation) پر انحصار کریں گے۔
صفائی ستھرائی کا بڑھتا ہوا بحران : آج بھی اربوں لوگ ایک محفوظ بیت الخلا کی سہولت کے بغیر زندگی گزار رہے ہیں، جس سے سب سے زیادہ غریب، خاص طور پر خواتین اور لڑکیاں متاثر ہیں۔وقت گزرنے کے ساتھ، صفائی ستھرائی کے نظام پر دباؤ بڑھتا جا رہا ہے۔ دنیا بھر میں پرانا بنیادی ڈھانچہ ناکام ہو رہا ہے، اور سرمایہ کاری مانگ کے مطابق نہیں بڑھ سکی ہے۔موسمیاتی تبدیلی ہماری دنیا کو نئے سرے سے تشکیل دے رہی ہے گلیشیئرز پگھل رہے ہیں، موسم بدتر ہو رہا ہے، اور سمندر کی سطح بلند ہو رہی ہے— یہ سب صفائی کے نظام کے لیے خطرہ ہیں۔
‘مستقبل کے لیے تیار صفائی ستھرائی میں فوری سرمایہ کار ی : ہمیں آج ہی مستقبل کے لیے تیارصفائی ستھرائی کے نظام میں فوری طور پر سرمایہ کاری کرنے کی ضرورت ہے۔ مل کر، ہمیں یہ یقینی بنانا ہوگا کہ بیت الخلا:سب کے لیے قابل رسائی (Accessible) ہوں۔سیلاب، خشک سالی اور دیگر موسمیاتی جھٹکوں کے خلاف لچکدار (Resilient) ہوں۔گرین ہاؤس گیسوں کے اخراج کو کم سے کم کریں۔مضبوط نظاموں اور مسلسل سرمایہ کاری سے تعاون یافتہ ہوں۔
صفائی ستھرائی تک رسائی ایک انسانی حق ہے جو ایک صحت مند، باعزت اور پیداواری زندگی کے لیے بنیادی حیثیت رکھتا ہے۔ اگر ہر شخص کو ایک محفوظ، لچکدار بیت الخلا تک رسائی حاصل ہو جائے، تو ہم ہر سال ہزاروں جانیں بچا سکتے ہیں اور ایک زیادہ پرامن اور خوشحال دنیا کی بنیاد رکھ سکتے ہیں۔
دنیا چاہے جتنی بھی بدل جائے، کچھ چیزیں کبھی نہیں بدلیں گی — بیت الخلا کی ہماری ضرورت ان میں سے ایک ہے۔ آئیے، بیت الخلا کو مستقبل کے لیے موزوں بنائیں!
