نیویارک|عاطف خان
نیویارک : آج دنیا بھر میں ’ذیابطیس کا عالمی دن‘ منایا جارہاہے۔
اس سال عالمی یومِ ذیابیطس کا موضوع “Diabetes across life stagesہے، جس کا مقصد اس بات کو اُجاگر کرنا ہے کہ ذیابیطس کے ساتھ زندگی گزارنے والے ہر فرد کو معیاری اور مربوط طبی سہولیات، معاون ماحول اور ایسی پالیسیوں تک رسائی ہونی چاہیے جو صحت، وقار اور خود نگہداشت کو فروغ دیں۔
یہ مہم اس بات پر زور دیتی ہے کہ ذیابیطس کی روک تھام اور مؤثر دیکھ بھال کے لیے زندگی کے ہر مرحلے کو مدِنظر رکھ کر حکمتِ عملی اپنانا انتہائی ضروری ہے۔
اہم نکات:
ذیابیطس زندگی کے ہر مرحلے میں کسی بھی فرد کو متاثر کر سکتی ہے۔بچپن سے بڑھاپے تک، ذیابیطس کی روک تھام اور نگہداشت کے اقدامات کو زندگی کے تمام مراحل میں مربوط ہونا چاہیے۔جسمانی و ذہنی صحت اور خود نگہداشت کی حوصلہ افزائی ہر عمر میں ذیابیطس کے مریضوں کو بااختیار بناتی ہے۔
عالمی یومِ ذیابیطس اس بیماری کے بارے میں آگاہی بڑھانے اور اسے ایک سنگین عالمی عوامی صحت کے مسئلے کے طور پر اجاگر کرنے کا اہم موقع فراہم کرتا ہے۔ دنیا بھر میں افراد، تنظیموں اور حکومتوں سے اپیل کی جاتی ہے کہ وہ اس مہم میں شامل ہو کر شعور اور معلومات عام کریں اور ذیابیطس سے متاثرہ لوگوں کی زندگیوں میں پائیدار تبدیلی لائیں۔
