دہلی: بھارتی کرکٹ ٹیم کے مایہ ناز بیٹر ویرات کوہلی نے ون ڈے انٹرنیشنل کرکٹ میں تاریخ رقم کرتے ہوئے 15,000 رنز کا سنگِ میل عبور کر لیا ہے۔
وہ کرکٹ کی تاریخ میں یہ اعزاز حاصل کرنے والے دنیا کے دوسرے بیٹر بن گئے ہیں، ان سے قبل صرف بھارت کے سابق اسطورہ سچن تندولکر ہی یہ کارنامہ انجام دے سکے ہیں۔
37 سالہ کوہلی نے ویسٹ انڈیز کے خلاف تھروواننت پورم میں کھیلے گئے پہلے ون ڈے میچ کے دوران چوکا لگا کر یہ تاریخی ہدف حاصل کیا۔ کوہلی نے سچن تندولکر کے مقابلے میں 74 اننگز پہلے یہ اعزاز اپنے نام کیا ہے۔
ویرات کوہلی نے اپنے 303 ویں ون ڈے اننگز میں 15,000 رنز مکمل کیے، جبکہ سچن تندولکر نے 377 اننگز میں یہ ہدف حاصل کیا تھا۔ سچن تندولکر 18,426 رنز کے ساتھ سب سے زیادہ ون ڈے رنز بنانے والے کھلاڑیوں کی فہرست میں پہلے نمبر پر ہیں۔
ون ڈے کرکٹ میں سب سے زیادہ رنز بنانے والوں میں سری لنکا کے سچن تندولکر اور ویرات کوہلی کے بعد تیسرے نمبر پر سری لنکا کے کمار سنگاکارا (14,234 رنز)، چوتھے پر آسٹریلیا کے رکی پونٹنگ (13,704 رنز) اور پانچویں پر سناتھ جے سوریا (13,430 رنز) ہیں۔
صرف ون ڈے فارمیٹ کھیلنے والے ویرات کوہلی نے جیو اسٹار (JioStar) کو دیے گئے انٹرویو میں تصدیق کی ہے کہ 2027 کا ون ڈے ورلڈ کپ ان کا آخری عالمی کپ ہوگا۔
کوہلی 2011 میں مہندر سنگھ دھونی کی قیادت میں ورلڈ کپ جیتنے والی بھارتی ٹیم کا حصہ تھے، جبکہ 2024 کا ٹی 20 ورلڈ کپ جیتنے کے بعد انہوں نے ٹی 20 فارمیٹ سے ریٹائرمنٹ کا اعلان کر دیا تھا۔