نیویارک: سینٹرل پارک کا تاریخی ‘وولمین رنک’ اپنی قیام کی 75ویں سالگرہ ایک منفرد انداز میں منا رہا ہے۔ انتظامیہ نے مئی سے ستمبر تک منتخب ہفتہ وار تعطیلات پر شہریوں کے لیے مفت آؤٹ ڈور ڈانس کلاسز منعقد کرنے کا اعلان کیا ہے۔
یہ سیشنز ‘آرتھر مرے ڈانس اسٹوڈیوز’ (Arthur Murray Dance Studios) کے ماہرین کی زیرِ نگرانی ہوں گے، جن میں کلاسک بال روم سے لے کر سالسا، ٹینگو اور فوکس ٹروٹ جیسے مختلف انداز سکھائے جائیں گے۔
یہ کلاسز صبح 11 بجے سے دوپہر 1 بجے تک ہوں گی۔ انتظامیہ کے مطابق ان کلاسز میں شرکت کے لیے کسی پیشگی رجسٹریشن کی ضرورت نہیں ہے اور یہ عوام کے لیے مکمل طور پر مفت ہیں۔
ابتدائی طور پر دو تاریخوں کی تصدیق کر دی گئی ہے:
23 مئی: سوئنگ ڈانس (Swing)
6 جون: سالسا (Salsa)
تفصیلات کیلئے لنک پر کلک کریں: https://wollmanrinknyc.com/date/arthur-murray-dance-experience-5/