واشنگٹن: امریکا میں ایک وفاقی جج نے فیصلہ دیا ہے کہ سابق صدر ڈونلڈ ٹرمپ کی انتظامیہ نے 39 ممالک سے تعلق رکھنے والے افراد پر امیگریشن کے حوالے سے غیر قانونی پابندیاں عائد کیں۔
عدالتی فیصلے کے مطابق ان ممالک سے تعلق رکھنے والے درخواست گزاروں کو سیاسی پناہ (Asylum)، ورک پرمٹ، گرین کارڈ اور شہریت کی درخواستوں پر فیصلوں سے غیر قانونی طور پر محروم رکھا گیا۔
یہ فیصلہ ایسے وقت میں سامنے آیا ہے جب امریکی سینیٹ نے اسی روز ٹرمپ کی امیگریشن کریک ڈاؤن پالیسی کی مالی معاونت سے متعلق ایک متنازع بل منظور کیا۔
عدالت نے قرار دیا کہ ان درخواست گزاروں کے حقوق متاثر ہوئے اور حکومتی اقدام امریکی امیگریشن قوانین کے منافی تھا۔
ماہرین کے مطابق یہ فیصلہ امریکا میں امیگریشن پالیسی اور ٹریول بین سے متعلق جاری سیاسی اور قانونی بحث کو مزید شدت دے سکتا ہے۔
