نیویارک: نیویارک سٹی کے میئر زوہران ممدانی اور نیویارک سٹی اکنامک ڈیولپمنٹ کارپوریشن (NYCEDC) کی صدر اور سی ای او جینی پاک نے ایک مشترکہ رپورٹ جاری کی ہے، جس کے مطابق نیشنل باسکٹ بال ایسوسی ایشن (NBA) کے 2026 کے سیزن میں ‘نیو یارک نکس’ (New York Knicks) کی تاریخی کامیابیوں نے اب تک شہر کو 202 ملین ڈالر (تقریباً 20 کروڑ ڈالر سے زائد) کا معاشی فائدہ پہنچایا ہے۔
نیو یارک نکس 27 سال کے طویل انتظار کے بعد پہلی بار این بی اے فائنلز (NBA Finals) میں واپس آئی ہے، جس سے پورے شہر میں جشن کا ماحول ہے۔ معاشی ماہرین کا تخمینہ ہے کہ اگر فائنلز کے تمام ہوم میچز میڈیسن اسکوائر گارڈن (Madison Square Garden) میں کھیلے گئے، تو یہ پوسٹ سیزن رن نیویارک کی معیشت میں مجموعی طور پر 465 ملین ڈالر کی ریکارڈ معاشی سرگرمی پیدا کر سکتا ہے۔
میئر زہران ممدانی نے اس تاریخی لمحے پر خوشی کا اظہار کرتے ہوئے کہا:
“نیویارک کے شہری اس لمحے کے لیے 27 سال سے انتظار کر رہے تھے۔ میں نے خود اس ٹیم کے میچز اسٹیڈیم کی آخری نشستوں سے لے کر اپنے گھر کے صوفے تک اپنے خاندان کے ساتھ دیکھے ہیں۔ جب نکس (Knicks) جیتتے ہیں، تو پورا نیویارک جاگ اٹھتا ہے۔ یہ معاشی اعداد و شمار واضح کرتے ہیں کہ یہ کھیلوں کا جنون ہمارے چھوٹے کاروباروں، ورکرز اور محلوں کو کس طرح مضبوط بنا رہا ہے۔”
نکس نے سیمی فائنل اور فائنل راؤنڈز میں فلاڈیلفیا اور کلیولینڈ کی ٹیموں کو کلین سوپ کیا، جس کے دوران 7 ہوم میچز سے 202 ملین ڈالر پیدا ہوئے۔
اب جبکہ فائنلز کا آغاز ہو چکا ہے، میڈیسن اسکوائر گارڈن میں کھیلے جانے والے ہر اضافی ہوم میچ سے نیویارک سٹی کو مزید 90 ملین ڈالر کی آمدنی متوقع ہے۔
اس معاشی تجزیے میں ٹکٹوں کی فروخت، ہوٹلنگ، ٹرانسپورٹیشن، کھانے پینے کی اشیاء (Concessions)، اور کھیلوں کے سامان (Merchandise) پر آنے والے سیاحوں کے اخراجات شامل ہیں۔
NYCEDC کی صدر جینی پاک کا کہنا تھا کہ کھیلوں کے یہ ایونٹس نہ صرف ہماری کمیونٹی کو یکجا کرتے ہیں بلکہ نیویارک کے پانچوں اضلاع (Boroughs) میں روزگار اور معاشی مواقع بھی پیدا کرتے ہیں۔
