نیویارک (ویب ڈیسک): نیویارک شہر کی سڑکیں اتوار کے روز سائیکل سواروں کے نام رہیں۔ دنیا کی سب سے بڑی چیریٹی بائیک رائیڈ، ‘ٹی ڈی فائیو بورو بائیک ٹور’ (TD Five Boro Bike Tour) میں 32,000 سے زائد سائیکل سواروں نے 40 میل طویل کار فری راستے پر سفر کیا۔
اس سال کی سب سے بڑی خاص بات میئر نیویارک سٹی، زہران ممدانی کی شرکت تھی۔ زہران ممدانی نے تمام پانچوں بورو (Boroughs) میں سائیکل چلا کر نیویارک کی تاریخ کے پہلے ایسے موجودہ میئر بننے کا اعزاز حاصل کیا جنہوں نے مکمل ٹور میں حصہ لیا۔ اس موقع پر میئر کا کہنا تھا، “میں آج تاریخ رقم کرنے پر بہت پرجوش ہوں اور آپ سب کے ساتھ اس سفر کا حصہ بننا میرے لیے فخر کی بات ہے۔”
اس ایونٹ کا مقصد سال بھر چلنے والے مفت بائیک ایجوکیشن پروگراموں کے لیے فنڈز جمع کرنا ہے۔ تقریب میں جہاں عام شہریوں کی بڑی تعداد موجود تھی، وہیں مشہور شخصیات نے بھی رنگ جمایا۔ معروف ڈی جے بینی بیناسی (DJ Benny Benassi) نے اپنے نئے البم کی ریلیز کی خوشی میں اس رائیڈ میں شرکت کی۔
ایونٹ کے باعث شہر بھر کی مختلف شاہراہوں کو ٹریفک کے لیے بند کیا گیا تھا تاکہ سائیکل سوار بلا روک ٹوک اپنا سفر مکمل کر سکیں۔
