ویب ڈیسک : دبئی میں جاری ایئر شو کے دوران ایک افسوسناک حادثہ پیش آیا ہے۔
ایئرشو کے دوران بھارت کا جنگی طیارہ تیجس فضائی کرتب دکھاتے ہوئے گر کر تباہ ہوگیا۔
اس حادثے میں طیارے کا پائلٹ ہلاک ہوگیا ہے۔یہ واقعہ انٹرنیشنل ایئرشو کے آخری روز پیش آیا۔
عالمی خبر رساں اداروں کے مطابق، ابتدائی تحقیقات میں طیارے کے تباہ ہونے کی وجہ تکنیکی خرابی بتائی جا رہی ہے۔حادثے کے فوری بعد ریسکیو آپریشن شروع کیا گیا اور ایئر شو کو عارضی طور پر معطل کر دیا گیا۔
بھارتی میڈیا نے بھارتی فضائیہ (IAF) کے حوالے سے اس حادثے اور پائلٹ کی ہلاکت کی تصدیق کی ہے۔فضائیہ کے مطابق، یہ حادثہ مقامی وقت کے مطابق دن 2 بج کر 10 منٹ پر پیش آیا۔
اس سے قبل خبر ایجنسی نے یہ بھی بتایا تھا کہ چند روز قبل اسی طیارے سے تیل (oil) کے لیک ہونے کی ایک ویڈیو بھی سامنے آئی تھی۔اس حادثے نے ایک بار پھر بھارتی فضائیہ کو عالمی سطح پر رسوائی کا سامنا کروایا ہے۔
