وفاقی وزیر صحت مصطفیٰ کمال نے کہا ہے دواؤں کی قیمتیں عوام اور انڈسٹری کے فائدے کیلئے ڈی ریگولیٹ کی گئی تھیں لیکن اس کا اثر الٹا نظر آ رہا ہے ۔
وی او این کے نمائندہ خصوصی ٹکا خان ثانی سے خصوصی گفتگو میں مصطفیٰ کمال نے کہا کہ دواؤں کی قیمتیں عوام اور انڈسٹری کے فائدے کیلئے ڈی ریگولیٹ کی گئی تھیں، قیمتیں ڈی ریگولیٹ کرنے کا عوام کو فائدے کے بجائے نقصان ہو رہا ہے، مارکیٹ رپورٹس کے مطابق ڈی ریگولیشن کے بعد دواؤں کی قیمتیں بہت اوپر چلی گئی ہیں،7 روپے والی دوا مارکیٹ میں 70 روپے میں بیچی جا رہی ہے،سروے ہو رہا ہے،کارٹل بنانے والوں کے ساتھ کیا ہوگا ؟رپورٹ آنے پر پتہ چلے گا۔
